2014 թվականի սկզբից մեկնարկել են Ռուսաստանից Հայաստան նավթամթերքի՝ դիզելային վառելիքի, բենզինի և գուդրոնի մատակարարումները: Հումքի առաքումն իրականացվում է «ՆԿ Ռոսնեֆտ» ԲԲԸ նավթավերամշակող գործարաններից՝ լցանավերով, երկաթուղային տրանսպորտով, Կովկաս-Փոթի/Բաթում լաստանավային փոխադրումներով: Վրաստանի տարանցումային նավահանգիստները հանդիսանում են ռուսական նավթամթերքի փոխաբեռնման կետեր: Նշված մթերքը պահվում է հատուկ ռեզերվուարներում և հետագայում փոխադրվում Հայաստան:

2013 թվականի դեկտեմբերի 2-ին «ՆԿ Ռոսնեֆտ» ԲԲԸ Նախագահ, Խորհրդի նախագահ Իգոր Սեչինը և «Օյլ Տեխնո» ՓԲԸ Նախագահ Արթուր Ալավերդյանը համատեղ ձեռնարկության ստեղծման շրջանակում ստորագրել են Բաժնետերերի համաձայնագիր: Համատեղ ձեռնարկության հիմնական նպատակն է որակյալ նավթամթերքի կայուն մատակարարումը Հայաստան՝ երկրի տարածքում մեծածախ և մանրածախ առք ու վաճառքի իրականացման, ինչպես նաև նավթամթերքի պահպանման ու բաշխման համար նախատեսված համապատասխան ենթակառուցվածքի զարգացման միջոցով:

© 2018 «ՌՈՍՆԵՖՏ-ԱՐՄԵՆԻԱ» ՓԲԸ: Բոլոր իրավունքները պաշտպանված են:

Поиск